Республикалық жедел-құтқару жасағының құтқарушылары тауда жүріп ауырып қалған қызға көмек көрсетті

Кеше 2021 жылдың 11 сәуір күні түстен кейін Республикалық жедел-құтқару жасағының кезекші бөліміне Алматы-Арасан шипажайы ауданында турист-қыздың өзін нашар сезінгені туралы хабарлама келіп түсті. Қатты бас ауруы мен құсу туралы шағымдар болды. Хабарлама оның танысынан келіп түсті, оқиға орнынан геолокациялық деректер де жіберілді. Өтініш берушінің айтуынша, қыз орындықта отыруға қалған, ал қалған туристер маршрутын жалғастырды.

Осы хабарламаны алғаннан кейін РЖҚЖ жедел тобы дереу іздестіру-құтқару жұмыстарына шықты. Алынған геолокациялық деректер өтініш беруші сипаттаған жерге сәйкес келмеді. Топ жетекшісі алынған координаттарды ұстануға шешім қабылдады.

Қызды теңіз деңгейінен 2200 метр биіктікте Проходное шатқалынан тапты. Турист қыз арқасын ағашқа сүйеп отырды.  Құтқарушы дәрігер зардап шеккен адамның қан қысымын өлшеді, ол айтарлықтай жоғарылағаны белгілі болды. Алдын ала тау ауруы деген диагноз қойылды. Дәрігерге дейінгі алғашқы көмек көрсетілгеннен кейін РЖҚЖ құтқарушылары қолтықтап қызды төмен қарай ертіп жүрді, онда оны Апаттар медицинасы орталығының қызметкерлері күтіп алды.

        

 

ҚР ТЖМ Республикалық жедел-құтқару жасағының баспасөз қызметі