ҚР ТЖМ қоғамдық кеңесінің алғашқы отырысы өтті

Қоғамдық кеңестің алғашқы отырысын ҚР Төтенше жағдайлар министрі Юрий Ильин ашып, кеңес мүшелерінің алдында азаматтық қорғау органдарының азаматтық қоғам институттарымен және халықпен үйлесімді өзара қарым-қатынас орнатуына ықпал ету бойынша үлкен міндеттер тұрғанын атап өтті.

Азаматтық қорғау органдары қызметінің мәселелері жөніндегі Қоғамдық кеңес азаматтық қоғамның мемлекетті басқаруға белсенді қатысуы, сондай-ақ қоғамдық бақылаудың қазіргі заманғы тетіктерін пайдалану үшін мемлекет басшысының тапсырмаларын іске асыру мақсатында құрылды.

Қоғамдық кеңестің төрағасы болып азаматтық қорғау органдарының ардагері Диханбек Сатылғанов сайланды. Қоғамдық кеңестің құрамына барлығы 23 адам кірді. Қоғамдық тыңдауларды дайындау және өткізу бойынша ұйымдастырушылық іс-қимылдарды жүзеге асыру бойынша екі комиссия құрылды. Бұл ТЖМ-де азаматтардың өтініштерін қараумен және азаматтық қорғау органдары қызметінің ашықтығын қамтамасыз ету және құқық шығармашылығы қызметі мәселелері бойынша комиссиялар.

 ҚР ТЖМ баспасөз қызметі