ТЖМ басшысы Ақтөбе облысындағы әскери бөлімнің жұмысымен танысты

  Жұмыс сапары барысында Қазақстан Республикасының Төтенше жағдайлар министрі Мұрат Мұханов пен Ақтөбе облысының әкімі Асхат Шахаров Ақтөбе қаласына жақын Құрашасай ауылындағы Есет батыр Көкіұлы атындағы 20982 әскери бөліміне барды.

  Оларға қызметтің ұйымдастырылуы және бөлімшенің төтенше жағдайлар кезіндегі жұмысқа дайындығы көрсетілді. Әскери бөлімнің қарамағында жаңа арнайы техника мен заманауи құтқару құралдары бар.

  Сапар барысында инфрақұрылымды жаңарту мәселесіне де назар аударылды. Әскери қызметшілердің қызмет атқаруы мен даярлық жағдайларын, сондай-ақ техниканы орналастыру мүмкіндіктерін жақсарту мәселелері талқыланды.

  ТЖМ әскери құтқарушылары төтенше жағдайлардың салдарын жоюға қатысады. Кездесуде гарнизонның басқа бөлімшелерімен бірлескен оқу-жаттығулар өткізу мәселесі де сөз болды. Мұндай дайындық нақты жағдайларда жедел әрі нақты әрекет етуге мүмкіндік береді.