Қазақстан ТЖМ Тараз қаласындағы ирригациялық каналдарда профилактикалық жұмыстарды күшейтуде

  ТЖМ «Селденқорғау Құрылыс» мамандары Тараз қаласы мен Шу ауданында су шаруашылығы жүйелерін қалпына келтіру, реконструкциялау және күрделі жөндеу жұмыстарын жүргізуде.

  Бүгінгі күні мамандар Аса өзенінің ирригациялық арналарының жалпы ұзындығы 6 мың метр болатын учаскелерінде жоспарлы-алдын алу және қалпына келтіру жұмыстарын орындады. Каналдарды тазарту барысында шамамен 400 тонна лай шығарылды.

  Жүргізіліп жатқан жұмыстар ирригациялық жүйенің су өткізу қабілетін жақсартуға, су басу қаупін азайтуға және ауыл шаруашылығы мен қалалық нысандарды тұрақты сумен қамтамасыз етуге бағытталған.

  Жобаны іске асыру өңірдің су шаруашылығы инфрақұрылымын пайдалану тиімділігін арттырып, жоғары жүктеме кезеңінде оның сенімді жұмыс істеуін қамтамасыз етеді.