619 көшкін қауіпті учаске ТЖМ бақылауында

  Елімізде көшкін қауіпті кезең аяқталды, алайда биік таулы аймақтарда көшкін қаупі жыл бойы сақталады, бұл қар жамылғысын тұрақты мониторингті және жедел әрекет етуге дайын болуды талап етеді.

  Еліміздің аумағында 619 көшкін қауіпті учаске бар, олардың әсер ету аймағында 208 нысан және 1857 адам орналасқан. Қар көшкіні учаскелерін бағалау, мониторинг және бақылау жұмыстарын ТЖМ «Қазселденқорғау» 79 жыл бойғы бақылау бекеті, 30 диспетчерлік пункт және 26 қар өлшеу маршруты арқылы қамтамасыз етеді.

  Осы кезең басталғалы бері жалпы көлемі 208 520 текше метр болатын 75 қар көшкіні тіркелді. Қар көшкіндері Алматы қаласында, Алматы, Шығыс Қазақстан және Жамбыл облыстарында болды. Сондай-ақ 101 профилактикалық қар көшкінін түсіру жұмыстары жүргізілді.

  Профилактикалық іс-шаралар аясында мамандар аумақтық бөлімшелермен және жергілікті атқарушы органдармен бірлесіп 414 жерүсті және 10 әуе арқылы бақылау тексерісін жүргізді. Көшкін қауіпті аймақтарда орналасқан әкімдіктерге, ұйымдарға және жеке тұрғындарға алдын алу шараларын қабылдау бойынша 1352 хабарлама-ұсыным берілді. Бұдан бөлек халықтың, шаруашылық нысандары мен демалыс аймақтарының қауіпсіздігін қамтамасыз ету мақсатында ТЖМ «Қазселденқорғау» құрамында жалпы 115 адам мен 60-тан астам техникадан тұратын 11 авариялық-механикаландырылған бригада құрылды.