ТЖМ құтқарушылары Қапшағай су қоймасының акваториясын патрульдеуде

  Қапшағай су қоймасының акваториясында профилактикалық іс-шаралар күшейтілуде. Рейдтердің негізгі мақсаты демалушылар мен балықшылардың қауіпсіздігін қамтамасыз ету, сондай-ақ су айдындарында жазатайым оқиғалардың алдын алу.

  Патрульдеу үшін катерлер, соның ішінде маневрлігі мен жылдамдығы жоғары қайық жұмылдырылды, ол акваторияның басым бөлігін жедел бақылауға мүмкіндік береді.

  Патрульдеу кезінде ұшқышсыз ұшу аппараттары қолданылды. Құтқарушылар олардың көмегімен тасты, жетуі қиын учаскелерді, сондай-ақ балықшылар болған жерді тексерді.

  Құтқарушылар түсіндіру жұмыстарын жүргізіп, құтқару кеудешелерін міндетті түрде кию қажеттігін еске салады. Сонымен қатар суға түсер алдында ықтимал қауіптер немесе дауылды ескертулер туралы «112» қызметінің хабарламаларын міндетті түрде қарау қажет.

  Өткен жылы ТЖД құтқарушылары су айдындарында 3 мыңнан астам рейд жүргізді, нәтижесінде 43 адам құтқарылды.

  ТЖМ су айдындарында қауіпсіздікті сақтаудың маңыздылығын еске салады.