Өрттің алдын алу ТЖМ басым бағыты

  ТЖМ өрттің алдын алу бойынша жүйелі профилактикалық жұмысты жалғастыруда. Жылыту маусымы басталғаннан бері 1,5 млн астам үй қамтылып, 3,6 млн астам азаматқа нұсқау берілді.

  Жалғызбасты зейнеткерлер, мүгедектер, көп балалы отбасылар және басқа да әлеуметтік осал азаматтар тұратын 108 мыңнан астам үй ерекше бақылауда. Аталған үйлер есепке алынып, жылыту маусымы басталар алдында өрт қауіпсіздігіне тексерілді және аулаларды аралау барысында қайта қаралды.

  Жергілікті атқарушы органдармен және волонтерлермен бірлесіп халықтың әлеуметтік осал топтарының үйлерінде 45 мыңнан астам улы, табиғи газ және түтін датчигі орнатылды.

  Тексеру нәтижелері бойынша өрт қауіпсіздігі талаптарына сәйкессіздіктер тұрғындарға жеткізілді және оларды жою ұсынылды. ТЖМ бөлімшелері мен әкімдіктердің қолдауымен 22 мыңнан астам үйде бұзушылықтар жойылды. Жүргізіліп жатқан жұмыс өрттердің санын азайтуға және азаматтардың қайтыс болуы мен жарақаттануын болдырмауға бағытталған.

  Ең көп таралған бұзушылықтар пеш жабдықтары мен электр желілері мен аспаптарын орнату және пайдалану ережелерін сақтамау болып қала береді: пештер мен мұржалардағы жарықтар, пеш алдындағы қаңылтырдың болмауы, жанғыш конструкциялардан өртке қарсы ауытқудын болмауы, электр желілерінің шамадан тыс жүктелуі, электр сымдарының оқшаулауының бұзылуы және басқа да қауіп факторлары.

  ТЖМ қарапайым қауіпсіздік ережелерін сақтау қажеттілігін ескертеді:

  - тек жұмыс істейтін пештер мен электр құрылғыларын пайдаланыңыз;

  - пештердің қызып кетуіне және электр желілерінің шамадан тыс жүктелуіне жол бермеңіз;

  - мұржаны күйеден уақытында тазалаңыз;

  - пеш пен электр құрылғыларының ақаулықтарын үнемі тексеріп отырыңыз;

  - балаларға пешті жағуға тапсырмаңыз;

  - сіріңке мен тұтандырғыштарды балалардың қолы жетпейтін жерлерде сақтаңыздар.