Қазақ күресі турнирі еліміздегі ТЖМ құтқарушыларын біріктірді

  Қостанай облысында азаматтық қорғау органдары қызметкерлері арасында қазақ күресінен республикалық турнир өтті. Ауқымды спорттық жарыстарға еліміздегі ТЖМ бөлімшелерінен келген 80-нен астам ең мықты балуан қатысты. Турнир ТЖМ «Batyr team» спорт клубының қолдауымен ұйымдастырылды.

  Жарыстардың салтанатты ашылуы аясында өңірлік ТЖД бастығының уақытша міндетін атқарушы Назарали Селимов қатысушылар мен қонақтар алдында құттықтау сөз сөйлеп, ұлттық спорт түрлерін дамыту мен азаматтық қорғау қызметкерлері арасында командалық рухты нығайтудың маңыздылығын атап өтті.

  Турнирге қатысу үшін өңірге 20 құрама команда келді.

  Тартысты және қызықты жарыстар нәтижесінде турнирдің жеңімпаздары:

  66 кг салмақ дәрежесі:

  І орын – Еренғайып Ержан, ҚР ТЖМ №55209 әскери бөлімі

  ІІ орын – Амангелді Нұрбол, Қарағанды облысы

  ІІІ орын – Ізімғалиев Нұрболат, Атырау облысы

  74 кг салмақ дәрежесі:

  І орын – Жиенбек Қоблан, Қарағанды облысы
  ІІ орын – Атанбеков Нұрсұлтан, ШҚО
  ІІІ орын – Ғилаж Мұхтар, Астана қаласы

  82 кг салмақ дәрежесі:
  І орын – Қабдығаниев Қазыбек, Қарағанды облысы
  ІІ орын – Аралбек Нұрәли, ШҚО
  ІІІ орын – Абдікалық Алихан, Ұлытау облысы

  90 кг салмақ дәрежесі:
  І орын – Мешітбай Берік, Қостанай облысы
  ІІ орын – Қарбозов Сержан, Астана қаласы
  ІІІ орын – Нұрланұлы Әділжан, Жамбыл облысы

  100+ кг салмақ дәрежесі:
  І орын – Дәрібаев Жасұлан, Абай облысы
  ІІ орын – Қапиятов Еркебұлан, Қостанай облысы
  ІІІ орын – Оралов Ақниет, Қарағанды облысы

  Жалпыкомандалық есеп бойынша:
  І орын – Қарағанды облысы
  ІІ орын – Қостанай облысы
  ІІІ орын – Абай облысы

  Жарыстардың жеңімпаздары мен жүлдегерлері бағалы сыйлықтармен және наградалармен наградталды. ТЖМ спорт клубы «Batyr team» атқарушы директоры Әділ Қайырбаев спортшыларды сәтті өнер көрсетуімен құттықтап, қатысушылардың жоғары дайындық деңгейін және осындай турнирлердің қазақ күресін насихаттау мен ТЖМ қызметкерлерінің кәсіби бірлігін нығайтудағы маңыздылығын атап өтті.

  Республикалық турнир спорттық шеберлікті, ұлттық дәстүрлерді және қызметтік бауырластықты үйлестірген айқын мысалға айналып, азаматтық қорғау органдары қызметкерлерінің дене және моральдық дайындық деңгейінің жоғары екенін тағы бір мәрте дәлелдеді.