Адам өмірін құтқаратын тірек: ҚР ТЖМ «Қазавиақұтқару» пилоттарының жаңа буыны

  Жедел шақырту түскен сәтте әр минут маңызды. Осындай кезде мобильді, заманауи және кез келген жағдайда жұмыс істеуге дайын Қазақстан Республикасы Төтенше жағдайлар министрлігінің «Қазавиақұтқару» АҚ авиациясы әуеге  көтеріледі. Саналы түрде таңдаған мамандығы нағыз миссияға айналған пилоттардың жаңа буыны ұшақ штурвалында.

  Олардың бірі Жомарт Қырғызбай. Ол Алматы облысының тумасы, бала кезінен өмірін авиацияға арнауды армандаған. Азаматтық авиация академиясын бітіргеннен кейін, 2018 жылы «Қазавиақұтқару» қызметіне кірісті. Еңбек жолын ұшаққа қатысты құжаттармен жұмыс істеуден бастап, регламенттерді зерттеп, тәртіп пен қауіпсіздік процестерін қамтамасыз етті. Бұл кезең оның болашақ ұшқыш мансабының мықты негізіне айналып, ТЖМ пилотының басты қасиеті жауапкершілікті қалыптастыруға септігін тигізді.

  2025 жылы жас маман ТЖМ авиация паркін толықтырған заманауи L-410NG ұшағына екінші ұшқыш болып тағайындалды. Бүгінде ол санитарлық рейстерге қатысады, медициналық бригадаларды шалғай өңірлерге жеткізеді және төтенше жағдайлардағы тапсырмаларды орындайды. «Біз күрделі ауа райы жағдайында жұмыс істейміз, мұнда ең маңыздысы концентрация, дәлдік пен командалық жұмыс», – деп Жомарт Қырғызбай атап өтті.

  Жомарт пен оның әріптестері үшін әуе – бұл  қызмет ету кеңістігі. Әрбір әуеге көтерілу қиын жағдайда қалған адамдарға көмек көрсету мүмкіндігі. «Қазавиақұтқару» ұшқыштарының жаңа буыны кәсіби, технологиялық және адамға бағдарланған Қазақстанның ТЖМ авиациясының заманауи бейнесін қалыптастырады. Олардың жұмысы, күнделікті көмек көрсетуге дайын болуы және сын сағатта еліміз өз құтқарушыларына сенім арта алатынына сенімділігі.