ТЖМ басшысы Ақтөбе облысының құтқарушыларына жаңа техника кілттерін табыс етті

  Ақтөбе қаласында Ақтөбе облысының Төтенше жағдайлар департаменті бөлімшелеріне салтанатты түрде жаңа арнайы техниканы тапсыру рәсімі өтті. Құтқарушыларға автокөліктердің кілттерін Қазақстан Республикасының Төтенше жағдайлар министрі генерал-лейтенант Шыңғыс Әрінов табыс етті. Іс-шараға облыс әкімі Асхат Шахаров та қатысты.

  Материалдық-техникалық базаны жаңарту өңірдің азаматтық қорғау қызметтерінің әзірлігін нығайту жолындағы маңызды қадам болды. ТЖД бөлімшелері авариялық-құтқару автокөліктерін, мамандандырылған жүк-жолаушы көлігін, командалық-штабтық автокөлікті, шағын автобус, аэроқайықтар, гидроциклдер және кез келген жерде және батпақта жүретін техникаларды алды. Барлық техника мобильді және резервтік бөлімшелер арасында бөлінді.

  Бұл машиналар ең күрделі жағдайларда жұмыс істеуге арналған және құтқару операцияларының жеделдігі мен азаматтардың өмірін құтқаруға тікелей әсер етеді. Жаңа жарақтандыру жетуі қиын аймақтарда құтқару жұмыстарын тиімді жүргізуге, су тасқынына, қар құрсауына және басқа да төтенше жағдайларға жедел әрекет етуге мүмкіндік береді. Көктем мезгілінде су басу қаупі бар, ал қыста ауа райы күрделі болатын Ақтөбе облысы үшін мұндай техника халықтың қауіпсіздігін қамтамасыз етуде шешуші мәнге ие.

  ТЖМ материалдық-техникалық базасын дамыту аясында қазіргі уақытта азаматтық қорғау қызметкерлерін төмен температура жағдайында қысқы кезеңде киюге арналған күнделікті нысанды киіммен қамтамасыз ету жұмыстары да жүргізілуде. Заманауи техника мен сенімді экипировка құтқарушыларға өздерінің басты міндеті азаматтардың өмірі мен денсаулығын қорғауды жедел, қауіпсіз және тиімді түрде орындауға мүмкіндік береді.