Шығыс Қазақстан облысының тұрғындары «Жол бер!» акциясын қолдады

  ТЖМ қызметкерлері Шығыс Қазақстан облысында «Жол бер!» профилактикалық акциясын өткізді. Іс-шара аясында құтқарушылар өңір тұрғындарымен кездесіп, жолда шұғыл қызмет көліктерін өткізу қажеттігін еске салды.

  Акция барысында автокөлік иелері арасында дабыл мен жарық сигналдары қосылған өрт сөндіру көлігі пайда болған кезде олардың қалай әрекет ететіні туралы сауалнама жүргізілді. Қатысушылардың көпшілігі біреудің өмірі соған байланысты болуы мүмкін екенін түсініп, арнайы көліктерге әрқашан жол беретіндерін атап өтті.

  Қатысушылардың сөздері тәжірибеде расталды. Дрон арқылы қаладағы өрт сөндіру көлігінің қозғалысы тіркелді – жүргізушілер уақытылы жол беріп, шұғыл қызметтердің қозғалысына кедергі келтірмеді.

  ТЖМ «Жол бер!» акциясы профилактикалық сипатқа ие және жолдардағы қауіпсіздік пен жауапкершілік мәдениетін арттыруға, сондай-ақ күнделікті адамдарға көмектесуге асығатын жандарға құрметпен қарауды қалыптастыруға бағытталған.