АҢДАТПА: Елде «ГАЗБАЛЛОН» профилактикалық акциясы басталды

  1–5 желтоқсан аралығында ТЖМ мен ІІМ бірлесіп «ГАЗБАЛЛОН» республикалық акциясын өткізеді.       Акцияның басты мақсаты — газбаллонды жабдықты пайдалану кезіндегі құқық бұзушылықтардың алдын алу және авариялық жағдайлардың алдын кесу.

  Өрт қауіпсіздігі талаптарының сақталуына, оның ішінде Өрт қауіпсіздігі қағидаларының 1074-тармағына ерекше назар аударылады.     Аталған тармаққа сәйкес газбаллонды жабдық орнатылған автокөліктерді:

  - қоса салынған немесе жапсарлас өзге мақсаттағы үй-жайларда;

  - жабық түрдегі паркингтер мен автотұрақтарда;

  - жер деңгейінен төмен орналасқан үй-жайларда және тұрақтарда орналастыруға қатаң тыйым салынады.

  Осы талаптардың бұзылуы адамдардың өмірі мен денсаулығына нақты қауіп төндіреді, сондықтан акция кезеңінде нормалардың сақталуына бақылау күшейтіледі.

  «ГАЗБАЛЛОН» акциясы аясында жоспарланған іс-шаралар:

  Паркингтер мен жолдарда рейдтік тексерістер жүргізіліп, ГБ-мен жабдықталған автокөліктерді заңсыз орналастыру фактілерін анықтау және жолын кесу.

  Ұйымдармен және көпқабатты үй тұрғындарымен жабық жерасты паркингтеріне мұндай автокөліктердің кіруіне жол бермеу жөнінде түсіндіру жұмыстары.

  Тұрмыстық газ баллондарын толтыруға жол бермеу мақсатында газ құю станцияларында профилактикалық шаралар.
  ГБЖ-ны пайдалану кезіндегі қауіпсіздік мәселелері бойынша БАҚ және әлеуметтік желілер арқылы кең ақпараттық кампания.