ТЖМ басшысы Теңіз жасағына барды

  Төтенше жағдайлар министрі генерал-лейтенант Шыңғыс Әрінов
Маңғыстау облысына жұмыс сапары аясында ҚР ТЖМ Теңіз жасағына барды. Жұмыс барысында ол қызметтің ұйымдастырылуымен, бөлімшенің негізгі қызмет бағыттарымен танысып, оның Каспий теңізінің қазақстандық секторындағы төтенше жағдайларға ден қоюға дайындығын бағалады.

  Жасақ қызметкерлері министрге мұнай төгінділерін жоюға арналған арнайы жабдықты таныстырды. Бондық қоршауларды жедел орналастыру, сондай-ақ акваторияның әртүрлі жағдайында мұнай өнімдерін оқшаулауға және жинауға арналған мобильді коллекторлар мен сорғы қондырғыларының жұмысы көрсетілді. Бөлімшенің техникалық мүмкіндіктерін дамыту ТЖМ теңіз күштерін одан әрі нығайтуға негіз болатыны атап өтілді.

  Шыңғыс Әрінов практикалық көрсетілім барысында жеке құрамның іс-қимылдарының үйлесімділігін атап өтті. Ол арнайы техниканы дер кезінде қолдану апаттық мұнай төгінділерінің салдарын едәуір азайтуға және Каспийдегі экологиялық қауіпсіздік деңгейін арттыруға мүмкіндік беретінін айтты. Әңгіме барысында теңіз бөлімшесін жаңғырту авариялық-құтқару даярлығын ЛАРН III санатының талаптарына дейін арттыру бағытындағы қадам екені атап өтілді.

  Жұмыс қорытындысы бойынша ведомство басшысы мамандарды дайындауды күшейтуді, мониторинг мүмкіндіктерін кеңейтуді және бөлімшенің техникалық базасын жаңартуды жалғастыруды тапсырды. Министр қызметкерлерге адал еңбектері үшін алғыс білдірді. Қабылданған шаралардың ТЖМ теңіз флотилиясын одан әрі нығайту мен оның дайындығын арттырудың негізі болатынын айтып, теңіздегі төтенше жағдайларға ден қоюға тұрақты дайындықты сақтау қажеттігін атап өтті.