Азаматтық қорғау органдары қызметкерлерінің тұрғын үй төлемдерін алуы туралы Қазақстан Республикасы Үкіметінің қаулысы

  Қазақстан Республикасы Үкіметінің қаулысымен тұрғын үй төлемдерін алуға жататын азаматтық қорғау органдары лауазымдарының тізбесі бекітілді.

  Бұл шешім күн сайын ел қауіпсіздігін қорғауда және азаматтық қорғаудың маңызды міндеттерін орындайтын ТЖМ қызметкерлерін әлеуметтік қорғауды нығайтудағы тарихи қадам болды. 

  Осы сәттен бастап, ТЖМ қызметкерлеріне әскери қызметшілермен бірдей тұрғын үй төлемдерін алу құқығы берілді. Бүгінгі таңда ТЖМ қызметкерлерін тұрғын үйге мұқтаж деп тану және тиісті төлемдерді тағайындау бойынша жоспарлы жұмыстар басталды. 

  Бұл шараны жүзеге асыру тек қағаздылық қана емес, Отанға, қоғамға және Қазақстанның әрбір азаматына адал қызмет ететіндерге мемлекеттік қамқорлықтың жарқын үлгісі болып табылады.

  Бұл – әділдікке, мәртебені нығайтуға және өз еңбегімен күн сайын адамдардың қауіпсіздігі үшін өзін құрбан етуге адалдығы мен дайындығын дәлелдейтін қызметкерлерді лайықты қамтамасыз етуге бағытталған қадам.