«Ауыл құтқарушылары» аясында бір аптада жеті ерікті өртке қарсы құралым пункті ашылды
Қазақстанның ТЖМ ауылдық елді мекендерде өрт қауіпсіздігі деңгейін арттыруға бағытталған «Ауыл құтқарушылары» бағдарламасын іске асыруды жалғастыруда.
Бағдарлама аясында тағы жеті өрт сөндіру пункті пайдалануға берілді. Олардың бесеуі Ақмола облысындағы Есіл ауданының Раздольное, Біржан сал ауданының Тасшалқар, Зеренді ауданының Симферополь, Бұланды ауданының Журавлевка және Қорғалжын ауданының Кеңбидайық ауылдарында ашылды. Сонымен қатар реновация жұмыстары аяқталғаннан кейін Жамбыл облысы Қордай ауданының Аухатты ауылында және Солтүстік Қазақстан облысы Есіл ауданының Волошинка ауылында екі өрт сөндіру пункті ашылды.
Есіл ауданының Раздольное ауылындағы өрт сөндіру пункті ең жақын өрт сөндіру бөлімінен 43 шақырым қашықтықта орналасқан. Ол Раздольное және Свободное ауылдарына қызмет көрсетеді. Бұл елді мекендерде жалпы 1273 тұрғын тұрады, 640 тұрғын үй бар. Пункт Ақмола облысы ТЖД автопаркінен берілген өрт сөндіру автоцистернасымен жабдықталған. Қазіргі уақытта пункт қажетті техникамен, құрал-жабдықтармен және дайындалған мамандармен толық қамтамасыз етілген. Кезекші қызметкерлерді оқытуды кәсіби өрт сөндірушілер жүргізеді.
Біржан сал ауданының Тасшалқар ауылындағы өрт сөндіру пункті 568 тұрғыны және 138 үйі бар ауылдың өрт қауіпсіздігін қамтамасыз етеді. Пункт қажеттіліктері үшін Ақмола облысы ТЖД автопаркінен өрт сөндіру автоцистернасы берілді. Пункт барлық қажетті құрал-жабдықтармен және мамандарды өрт сөндіру саласының кәсіби мамандары дайындайтын арнайы даярлықтан өткен персоналмен толық қамтамасыз етілген.
Зеренді ауданына қарасты Симферополь ауылында өрт сөндіру үшін жаңа пункт құрылды, бұл аудандағы қауіпсіздік деңгейін едәуір арттырады. Бұл пункт бірнеше жақын маңдағы елді мекенге қызмет көрсетіп, тұрғын үйлер мен тұрғындардың қауіпсіздігін қамтамасыз етеді. Жұмыстың тиімділігі үшін пункт ТЖД автопаркінен берілген өрт сөндіру автоцистернасымен жабдықталған, бұл туындайтын төтенше жағдайларға уақытылы әрекет етуге мүмкіндік береді.
Ақмола облысы Қорғалжын ауданының Кеңбидайық ауылындағы жаңа өрт сөндіру пункті Кеңбидайық, Екпінді және Арықты ауылдарының өрт қауіпсіздігін қамтамасыз етеді. Пункт заманауи құрал-жабдықтармен және өрт техникасымен жабдықталған, бұл төтенше жағдайларға жылдам әрі тиімді ден қоюға мүмкіндік береді.
Бұланды ауданының Журавлевка ауылында жаңа өрт сөндіру пункті ашылды, ол шамамен бір жарым мың адам тұратын округке қызмет көрсетеді. Ауылдың аудан орталығы Макинск қаласынан алыс орналасуы өрт бөлімшелерінің уақтылы келуін қиындататын, олар бұрын шақырту орнына жетуге шамамен бір сағат уақыт жұмсайтын. Жаңа пункттің ашылуы ден қою уақытын айтарлықтай қысқартып, өртпен күрестің тиімділігін арттырады.
Жамбыл облысы Қордай ауданына қарасты Ауқатты ауылындағы өрт сөндіру пункті ең жақын өрт сөндіру бөлімшесінен 50 шақырым қашықтықта орналасқан. Бұл пункт Ақхатты, Қызылсай және Бәйтерек елді мекендерінің өрт қауіпсіздігін қамтамасыз етеді, мұнда 8 мыңнан астам тұрғын тұрады. Ғимарат толықтай күрделі жөндеуден өтті, заманауи техникамен және байланыс құралдарымен жабдықталды, сондай-ақ ерікті өрт сөндірушілердің тәулік бойы кезекшілік етуіне қолайлы жағдай жасалды.
Солтүстік Қазақстан облысы Есіл ауданының Волошинка ауылында өрт сөндіру пункті жұмыс істейді. Бұл пункт Волошинка ауылдық округіне кіретін үш ауылдың өрт қауіпсіздігін қамтамасыз етеді, сондай-ақ маңындағы орманды дала массивтерін қамтиды. Бөлімшенің дайындығын арттыру мақсатында заманауи өрт-техникалық құралдармен жабдықталған өрт сөндіру автоцистернасы және жеке құрамға арналған үш жаңа жауынгерлік киім жиынтығы берілді.
«Ауыл құтқарушылары» бағдарламасын іске асыру шалғай ауылдық елді мекендерде төтенше жағдайларға ден қою уақытын едәуір қысқартуға, өрт қауіпсіздігі деңгейін арттыруға, сондай-ақ халықтың өмірі мен мүлкін қорғауды қамтамасыз етуге мүмкіндік береді.