30 жыл – өмір жолы: ТЖМ құрдасы Қазбек Қабдығаниевтың оқиғасы

  2025 жылы Қазақстан Республикасының Төтенше жағдайлар министрлігіне 30 жыл толады. Осы уақыт ішінде ведомство үлкен даму жолынан өтті, ал оның жеке құрамы қызметтік міндеттерін атқару барысында талай рет ерлік пен жоғары кәсіби шеберлік көрсетті. Министрліктің тарихымен қатар қызметін абыроймен жалғастырып келе жатқан жаңа құтқарушылар буыны да қалыптасуда.

  Осындай қызметкерлердің бірі  министрліктің құрдасы Қазбек Қабдығаниев. Ол 1995 жылғы 22 қыркүйекте Бұқар жырау ауданында туған. Қазіргі уақытта Қарағанды облысы Төтенше жағдайлар департаментінің №19 өрт сөндіру бөлімінде өрт сөндіруші-құтқарушы болып қызмет атқарады. Қазбек Қабдығаниев ТЖМ жүйесінде 2016 жылдан бері еңбек етіп келеді. Осы уақыт аралығында ол күрделі өрттерді, дала өрттерін сөндіру және авариялық-құтқару жұмыстарына қатысып, білікті әрі жауапты маман ретінде танылды.

  Өрт сөндіру қызметі ерлік пен табандылықты ғана емес, сондай-ақ жоғары дене дайындығын да талап етеді. Қазбек үшін спорт өмірінің бір бөлігіне айналған. Ол 13 жасынан қазақ күресімен айналысып, бүгінгі таңда ҚР спорт шебері. Жұмыста да, спортта да шыңдалып, биік нәтижелерге жетуі – оның еңбекқорлығы мен табандылығының айқын дәлелі.

 Қазбек Қабдығаниев от пен жалыннан адамдарды құтқаратын құтқарушы ғана емес, ұлттық спортымызды дамытуға үлес қосып жүрген спортшы. Оның өмір жолы – жас буын үшін өнеге, ТЖМ жүйесіндегі қызмет — бұл азаматтар мен мемлекеттің қауіпсіздігі жолындағы құрметті де жауапты миссия екенін дәлелдейді.