«Ауыл құтқарушылары» бағдарламасы ШҚО-дағы ауылдарды қорғауды нығайтады
ҚР ТЖМ Өртке қарсы қызмет комитетінің төрағасы Ерлан Төрегелдиев ауылдық өртке қарсы инфрақұрылымды дамытуға бағытталған «Ауыл құтқарушылары» ведомстволық бағдарламасын іске асыру аясында Шығыс Қазақстан облысына жұмыс сапарымен барды.
Облыс аумағында жалпы халық саны 718 мыңнан асатын 357 елді мекен бар. Өңірде өртке қарсы қауіпсіздікті қамтамасыз ету үшін жергілікті атқарушы органдардың 57 өрт сөндіру бекеті жұмыс істейді, оның 14-і жыл бойы, 43–і маусымдық. Ерікті өрт сөндіру құралымдарын қолдау үшін ауылдық жерлерде өрт қауіпсіздігі жүйесін кеңейту және нығайту жұмыстары жалғасуда.
Жұмыс сапары аясында Ерлан Төрегелдиев Шемонаиха, Глубокое, Ұлан, Күршім, Зайсан, Тарбағатай, Катонқарағай, сондай-ақ Алтай және Үлкен-Нарын аудандарында болды.
Шемонаиха ауданындағы Усть-Таловка кентінде 6000-ға жуық адам тұратын 5 ауылға қызмет көрсететін өрт сөндіру бекеті жұмыс істейді. Оның иелігінде 2 өрт сөндіру автокөлігі бар, олардың біреуін ТЖ департаменті берді. Сугатовка ауылында қосымша бекет салынады.
Глубокое ауданындағы Тарханка ауылында «Милейко» ШҚ базасында жаңа өрт сөндіру пунктінің құрылыс-монтаждау жұмыстары аяқталуда.
Алтай ауылындағы Полянское кентінде өрт сөндіру пунктінің ашылуына дайындалып жатыр, аудан әкімдігі қаражат бөлді, қазіргі заманғы өрт техникасын беру қарастырылуда. Ашылуы биыл қыркүйекке жоспарланған.
Үлкен Нарын ауданындағы Солдатово ауылында өрт сөндіру пункті ретінде қолданыстағы гараж боксын қайта жаңарту бойынша құрылыс-монтаждау жұмыстарын бастау үшін қаражат іздестірілуде.
Катонқарағай ауданындағы Өрел ауылында өрт сөндіру пунктінің құрылысына жер учаскесі анықталды.
Күршім ауданында өрт сөндіру пункттерінің жұмыс істеуін қолдау үшін ақшалай қаражат бөлу мәселесі мәслихат сессиясында қаралатын болады.
Зайсан ауданындағы Кеңсай ауылында өрт сөндіру пунктін салуға орын анықталды. Жөндеу жұмыстарына қаражат бөлу мәселесі шешілуде. Шілікті ауылында өрт сөндіру техникасы орналасқан жылытылатын ғимарат анықталды. Ғимаратты одан әрі пайдалану үшін жөндеу жұмыстары жүргізіледі.
Сапар қорытындысы бойынша жұмыс кеңесі барысында Ерлан Төрегелдиев жаңа нысандарды ашу бойынша жұмыстарды жеделдетудің маңыздылығын, жергілікті атқарушы органдарға ауылдық бекеттерді жарақтандыру үшін 29 өрт техникасы берілгенін атап өтті.
Сонымен қатар облыстың барлық аудандары мәслихаттарының алдағы сессияларында өрт қауіпсіздігін қамтамасыз ету жөніндегі іс-шараларға қосымша қаражат бөлу мәселелерін қарау жоспарлануда.
«Ауыл құтқарушылары» бағдарламасы ауыл халқы үшін сенімді қорғау инфрақұрылымын құру мен төтенше жағдайларға ден қоюдың тұрақты жүйесін қалыптастыруға ықпал ете отырып, белсенді дамуын жалғастыруда.