ТЖМ жаңа функциясы: арнайы техникалық шарттарды келісу

  2025 жылғы 25 тамыздан бастап өртке қарсы қорғаныс саласында ерекшеліктері бар объектілерге қатысты белгіленген нормалар мен қағидалар болмаған жағдайда қолданылатын арнайы техникалық шарттарды ТЖМ келісу туралы жаңа норма заңды күшіне енді («Азаматтық қорғау туралы» Заңның 66-1-бабы).

  Осы функцияны жүзеге асыру шеңберінде «Белгіленген нормалар мен қағидалар жоқ объектілерді өртке қарсы қорғау ерекшелігін көрсететін арнаулы техникалық шарттарды келісу қағидаларын бекіту туралы» әзірленіп Төтенше жағдайлар министрінің 2025 жылғы 22 тамыздағы №351 бұйрығымен бекітілді, ол нормативтік құқықтық актілер тізілімінде №36681 тіркеу нөмірімен тіркелген.

  Қаблданған норма өрт қауіпсіздігінің белгіленген талаптарын орындаудан негізсіз шегіну жағдайлардың алдын алуға бағытталған.