Қазақстан ТЖМ Бакуде ХАҚҰ атқарушы кеңесінің отырысына қатысты

  Баку қаласында Ресей ТЖМ басшысы Александр Куренковтың төрағалығымен өткен Халықаралық азаматтық қорғаныс ұйымының (ХАҚҰ) атқарушы кеңесінің 58-ші отырысы өтті.

  Сессия жұмысына Қазақстан Республикасының өкілі – ҚР ТЖМ Азаматтық қорғаныс және әскери бөлімдер комитеті төрағасының орынбасары полковник Алексей Советов қатысты.

  Іс-шара шеңберінде төтенше жағдайлардың ауқымы мен қарқындылығының өсуі жағдайында туындайтын өзекті сын-қатерлер, сондай-ақ ұлттық азаматтық қорғаныс қызметтерінің дайындық деңгейін арттыру жөніндегі шаралар талқыланды.

  Қазақстандық делегация гуманитарлық жәрдемдесу, орнықты дамуды қамтамасыз ету және халықаралық өзара іс-қимыл мәселелерін қоса алғанда, ХАҚҰ қызметінің негізгі бағыттарын талқылауға қатысты.

  Қазақстандық тараптың қатысуы екіжақты ынтымақтастықты нығайту мен төтенше жағдайлардың алдын алу және оларды жою саласындағы бастамаларды ілгерілетуге ықпал етті.

  Әзербайжанда сессияны өткізу оның азаматтық қорғаудың жаһандық жүйесін нығайтудағы өсіп келе жатқан рөлін атап өтті, сондай-ақ қатысушы елдер арасында тәжірибе алмасу алаңын ұсынды.