Қазақстандық құтқарушылар халықаралық спорт ареналарында жеңіске жетуде

  ТЖМ қызметкерлері ірі халықаралық турнирлерде Қазақстан намысын абыроймен қорғап, жарқын жеңістерге қол жеткізді. Олар жоғары кәсіби дайындықты, төзімділікті және жеңіске деген ерік-жігерді паш етті.

  Солардың бірі – Жамбыл облысы ТЖД жедел-құтқару жасағының құтқарушысы Серік Тлекеев. Ол Қазақстанда өткен AIGA грэпплингтен алғашқы әлем чемпионатында алтын медаль жеңіп алды. Қазақстан Республикасының ММА спорт түрінен спорт шебері атағына ие Серік тек техникалық шеберлігін ғана емес, нағыз жауынгерге тән қайсар мінезін де көрсетті. Оның спорттық жолында Қазақстан чемпионаты мен Түркі халықтарының халықаралық турниріндегі жеңістері бар. Ал күнделікті өмірде ол – азаматтардың қауіпсіздігін қамтамасыз ететін кәсіби құтқарушы.

  Жеңімпаздардың қатарында Жамбыл облысы ТЖД қызметкері Бекзат Исабек те бар. Ол Түркістан қаласында өткен Alash Pride халықаралық турнирінде өнер көрсетті. Ол Batyr Team командасы атынан қатысып, кештің басты жекпе-жектерінің бірінде Бразилиялық спортшы Брендо Бабилониді төрешілердің шешімімен айқын басымдықпен жеңді. Бұл жекпе-жек қазақстандық құтқарушылардың ерлігі мен жауынгерлік рухының, сондай-ақ физикалық дайындығының жарқын үлгісіне айналды.

  Бұл жеңістер – тек жеке жетістік емес, сондай-ақ азаматтық қорғау жүйесінің ортақ мақтанышы. Серік Тлекеев пен Бекзат Исабек құтқарушы – бұл кез келген жағдайда жеңуге де, қорғауға да дайын, ар-намысы мен жауапкершілігі жоғары адам екенін дәлелдеді. Олардың үлгісі – жас мамандар мен болашақ спортшылар үшін шабыт көзі.