«Жас құтқарушы» республикалық слетінің ашылуы

  2025 жылғы 1 шілдеде таңғы сағат 11:00-де Көкшетау қаласының Абылай хан алаңында «Жас құтқарушы» республикалық слетінің салтанатты ашылуы өтеді. Іс-шараны ұйымдастырушылар – Қазақстан Республикасының ТЖМ және Мәлік Ғабдуллин атындағы Азаматтық қорғау академиясы. 

  Слетті өткізудің негізгі мақсаты – құтқарушы мамандығын дәріптеу, өскелең ұрпақтың табиғи және техногендік сипаттағы төтенше жағдайларға ден қою мен дайындық дағдыларын қалыптастыру, төтенше жағдайларда әрекет ету дағдыларын игеру және жетілдіру.

  Ашылу барысында слет қатысушыларын түрлі шеберлік сыныптары күтеді. Слеттің өзінде Қазақстанның түкпір-түкпірінен «Жас құтқарушы» үздік жасақтары қатысады. Мұның бәрі Көкшетау қаласының түрлі орындарында өтеді. Іс-шараның жабылуы мен қатысушыларды марапаттау рәсімі 4 шілдеде Абылай хан алаңында өтеді.