БҚО-да көктемгі су тасқынына дайындық басты назарда

Өңірде алдағы көктемгі су тасқыны кезеңіне дайындық күшейтілді.

Орал қаласы, Сырым, Қаратөбе, Шыңғырлау, Бөрлі және Бәйтерек аудандарындағы су тасқыны қаупі жоғары аумақтарға барып,  инженерлік жұмыстардың орындалу деңгейін қадағалады.

2025 жылға жоспарланған 35 инженерлік іс-шараның қазіргі таңда 54%-ы орындалды.

Биыл өңірде 12 км қорғаныс дамбасы нығайтылып, 0,6 км канал кеңейтілді, 1,3 км арық жүйесі салынды, бір су қоймасы жөндеуден өтті.

Орал қаласы Жайық өзенінің жағалауын нығайту жұмыстарының 90%-ы аяқталды.

Сырым ауданында Өлеңті өзенінің арнасы тазаланып, Бұлдырты өзенінде шлюз құрылды.

Қаратөбе ауданында Жақсыбай және Қалдығайты өзендерінің арналарын кеңейту жұмыстары жүргізілді.

Шыңғырлау ауданының жолдарында су өткізгіш құбырлар орнатылды.

Бөрлі ауданының Ақсай қаласы, Ақсу және Кеңтүбек елді мекендерінде кешенді жоспар шеңберінде көктемгі су тасқыны қаупінен қорғауға бағытталған іс-шаралар іске асуда.

Өңірдегі гидрологиялық жағдайды жедел бақылау үшін Жайық, Шаған және Деркөл өзендерінде үш автоматтандырылған гидробекет орнатылды.