Сауда үйлеріндегі өрт қауіпсіздігі

Сауда үйлері – адамдар көп жиналатын нысандар, сондықтан мұндағы өрт қауіпсіздігін қамтамасыз ету аса маңызды. Өрттің кез-келген жағдайы айтарлықтай материалдық шығынға әкелуі мүмкін, сондай-ақ, келушілер мен қызметкерлердің өмірі мен денсаулығына қауіп төндіреді.

 

Өрттің негізгі себептері:

• электр желілерінің шамадан тыс жүктелуі және ақаулы сымдар;
• сертификатталмаған немесе ақаулы электр құралдарын пайдалану;
• тауарларды сақтау және қоймалау ережелерін бұзу;
• желдету және жылыту жүйелерін дұрыс пайдаланбау;
• адам факторы (отты абайсыз пайдалану, рұқсат етілмеген жерде шылым шегу).

 

Өрт қауіпсіздігін қамтамасыз ету үшін:

- ғимараттарды автоматты өрт дабылымен және түтін шығару жүйесімен жабдықтау;

- өрт сөндіру құралдарының (өрт сөндіргіштер, өрт крандары) жеткіліктілігі мен жарамдылығын қамтамасыз ету;

- эвакуациялық шығу жолдары мен дәліздердің үнемі ашық және жұмысқа жарамды болуын қадағалау;

- қызметкерлерді өрт кезіндегі іс-қимылдарға үйретіп, жүйелі түрде оқу-жаттығулар өткізу;

- тауарларды сақтау тәртібін қатаң сақтау, өту жолдарын бөгемеу;

- эвакуация жоспарларын және төтенше қызметтердің телефондарын көрнекі жерлерге орналастыру қажет.

 

Бұл талаптарды сақтау өрттің алдын алу және адамдардың қауіпсіздігін қамтамасыз етуге мүмкіндік береді.