Тұрғын сектордағы өрт қауіпсіздігі

Тұрғын үйлерде өрт қауіпсіздігін сақтау – әрбір азаматтың басты міндеттерінің бірі. Өрт көбіне қарапайым ережелерді сақтамаудан немесе салғырттықтан шығады.

Өрттің негізгі себептері:

• электр сымдарының тозуы немесе дұрыс қосылмауы;
• газ құрылғыларын қауіпсіздік ережесін сақтамай пайдалану;
• балалардың отпен ойнауы;
• пеш пен жылыту жабдықтарын дұрыс қолданбау;
• шылым шегудің салдарынан пайда болған өрт.

Өрт қауіпсіздігін сақтау жолдары:

1. Электр сымдарын уақтылы тексеріп, ескіргендерін ауыстыру;
2. Газ плитасы мен пешті қараусыз қалдырмау;
3. Балаларды өрт қауіпті заттардан қорғау;
4. Әр үйде өрт сөндіргіш құралын ұстау;
5. Шылымды тек арнайы күлсалғышта сөндіру.

Өрт кезінде атқарылатын іс-әрекеттер:

• 101 немесе 112 нөміріне қоңырау шалу;
• адамдардың қауіпсіздігін қамтамасыз ету;
• Құтқарушылар келгенге дейін тұрғындарды қауіпті аймақтан шығару.

Өрт қауіпсіздігі – барлығымыздың ортақ жауапкершілігіміз. Қарапайым ережелерді сақтау арқылы өзімізді және отбасымызды үлкен қауіптен қорғай аламыз.