Құжаттамалық қамтамасыз ету және мемлекеттік тілді дамыту тобы Қазақстан Республикасы Ғылым және жоғары білім министрлігінің Ұлттық тестілеу орталығымен бірлесіп, «Қазақстан Республикасында тіл саясатын дамытудың 2023-2029 жылдарға арналған тұжырымдамасына» сәйкес, Батыс Қазақстан облысы Төтенше жағдайлар департаментінің Қаратөбе ауданы ТЖБ, № 18 ӨСБ қызметкерлері және Шыңғырлау ауданы ТЖБ, № 23 ӨСБ қызметкерлеріне «Қазтест» жүйесі арқылы қазақ тілін меңгеру деңгейін анықтау бойынша тестілеу ұйымдастырды.
Қазақ тілін меңгеру денгейін бағалау халықаралық тіл білімін бағалау жүйелеріне сәйкес, сөйлеу әрекетінің түрлері (тыңдалым, оқылым) бойынша жүргізілді. Ұсынылған 60 тест тапсырмасын орындауға 1 сағат 10 минут уақыт берілді. Оның ішінде 20 тест тапсырмасы тыңдалым, 40 тест тапсырмасы оқылым бөліктеріне тиесілі болды. Осыған байланысты, тыңдап түсіну, оқыған материалды ұғыну дәрежесі анықталды. Тест сынақтарына 28 қызметкер қатысты.
Өңірде сыбайлас жемқорлықтың алдын-алу бойынша жаңа формат өз жұмысын бастады.
Жеке құрам жөніндегі инспекция қызметкерлер арасында сыбайлас жемқорлықтың жолын бірден кесу, қылмыстық және құқық бұзушылық фактілерінің жедел түрде алдын алу мақсатында QR-кодты енгізді.
Бұл өз кезегінде, қызметкерлер тарапынан орын алуы мүмкін қылмыстық құқық бұзушылық фактілерінің жолын кесуге оң септігін тигізетін болады.
Батыста ҚР ТЖМ 30-жылдығына орай «Жас құтқарушы» арнайы сыныбының ашылу салтанаты өтті!
«Құтқарушы болу – үлкен батылдықтың көрінісі» ұранымен ашылған сынып болашақ құтқарушыларды даярлау, жас ұрпақтың төтенше жағдайларда әрекет ету қабілетін арттыру және қауіпсіздік мәдениетін қалыптастыру мақсатында арнайы сынып бөлмесі тиісті үгіт-насихат метариалдармен қамтамасыз етілді.
БҚО ТЖД Баспасөз қызметі
Төтенше жағдайлар департамент теңгеріміне полициямен өзара әрекет ету және облыс әкімдігінің қолдауымен жаңа қайық алынды.
«Rusboat» моторлы қайығы заманауи, сенімді және суда жылдам әрекет етуге бейімделген жүзу құралы болып табылады.
Бұл құтқарушылардың техникалық базасын нығайту, су айдындарында алдын алу және ден қою шараларын күшейтуге мүмкіндік береді.
БҚО ТЖД Баспасөз қызметі
Батыс Қазақстан облысында Деркөл мен Шаған өзендерінің түйіскен жерінде профилактикалық іс-шаралар кешені аясында жарылыс жұмыстары жүргізілді.
Жалпы ауданы 2 400 шаршы метр учаскесінде мұз қабатын әлсірету және кептеліс құбылыстарын болдырмау үшін жарылыс жасалды.
Жарылыс жұмыстары облыстың 96 учаскесінде жоспарланған. Құтқарушылар осы жұмыстарға барлық қажетті қауіпсіздік шараларын қамтамасыз етуде.
Бұл бағыттағы жұмыс жалғасуда. Облыс бойынша жағдай бақылауда.
Облыс аумағында ауа райының жылуына байланысты, су тасқынының алдын алу шаралары жалғасуда.
Атап айтқанда, облыс орталығы мен аудандарда қар шығару, жиналған қар суын сору, өзендерде ойық ойылып, мұз кесу жұмыстары жүргізілуде.
Бүгінгі күнге дейін барлығы 916 000 текше метрден астам қар шығарылып, 50 000 текше метрге жуық су сору, 9 796 ойық, 2850 метрдей мұз кесу жұмыстары атқарылды.
Сонымен қатар, «Қазгидромет» мәліметі бойынша 14-16 наурыз аралығында Батыс Қазақстан облысында ауа температурасының +10,+16 градусқа жоғарылауы, қарқынды қар еруі, еріген қар ағындысының қалыптасуы және еріген қар ағындысының өзен арналарын толтыруына байланысты, мұздық құбылыстардың әлсіреуі, өзендерде су деңгейінің көтерілуі күтілуде.
Департамент жанынан облыстық жедел штаб құрылып, қауырт желі жұмыс жасауда.
Облыс тұрғындарын сабырлық сақтауға шақырамыз! Өтінімдер 8 (711) 2 55-40-77, 55-40-88 немесе «112» телефон номерлері арқылы қабылданады.
Қазақстан Республикасының Төтенше жағдайлар министрі генерал-майор Шыңғыс Әрінов еліміздің батысына барып, өңірдің көктемгі су тасқынына дайындығын тексеруде.
Шыңғыс Әрінов су тасқыны қаупі бар учаскелерді аралап, өткен жылы су тасқыны тіркелген Орал қаласының бес ауданы мен жайылмалы аумақтарына ерекше назар аударды. Министр қарды шығару, мұзды босату үшін сулардың бетін бұрғылау, мұз кесу жұмыстары мен қамысты шабу сияқты су тасқынының алдын алуға бағытталған шаралармен танысты. Осы іс-шаралардың барлығы су деңгейін төмендетуге және су басу қаупін азайтуға бағытталған.
"Су тасқыны кезеңіне дайындық халықтың қауіпсіздігін қамтамасыз ету үшін барлық қызметтердің барынша жұмылдыра отырып, іс — қимылдарын үйлестіруді талап етеді", - деп атап өтті министр өзінің жұмыс сапары барысында.
Ведомство басшысы жергілікті атқарушы органдардың өкілдерімен кездесіп, халықты қорғау және өңірдің су тасқыны кезеңіне дайындығын жақсарту үшін бірлесе қабылданып жатқан шараларды талқылады. Кездесу барысында туындаған проблемаларды тиімді шешу үшін әртүрлі мемлекеттік және жергілікті құрылымдар арасындағы өзара іс-қимылдың маңыздылығы атап өтілді.
Шыңғыс Әрінов өңірдің төтенше жағдайлар департаментінің күштері мен құралдарының дайындығын, авариялық материалдар мен жабдықтардың резервтерін тексерді. Ол Жайық өзенінің маңындағы аудандар және Орал қаласындағы саяжай учаскелері сияқты елді мекендерді су тасқыны қаупінен қорғауға арналған қорғаныс инженерлік құрылыстарын аралады. Теректі ауданының Подстепное ауылындағы бөгетке ерекше назар аударылды, онда құрылыстарды нығайту үшін геокаркастар мен бетондалған беткейлер пайдаланылды.
Елімізде су тасқынына қарсы жұмыстардың белсенді кезеңі жүріп жатыр. Өңірлерде өзен арналарын тазарту, қорғаныш бөгендерін нығайту, қар жамылғысы мен су деңгейін бақылау жалғасуда. Су басу қаупін азайту және елді мекендерді қорғау үшін алдын ала шараларға ерекше назар аударылады.
Облыстың барлық бөлімшелері оқушыларға өз есігін айқара ашып, қайсарлық кәсібінің әлеміне үңілуге мүмкіндік берді.
Мемлекет басшысы Қасым-Жомарт Тоқаев 2025 жылды «Жұмысшылар жылы» деп жариялағаны белгілі. Бастаманы қолдау аясында оқушылардың құтқарушы мамандығына деген қызығушылығын ояту және оларды өрт сөндірушілер мен құтқарушылардың күнделікті жұмыстарымен таныстыру мақсатында кең ауқымды ашық есік күні өткізілді.
Қызметкерлер жаңа идеялар, инновациялық технологиялар мен алдын алу тәсілдерін тұрақты жаңартып, заман талабына сай бейімдеп отырады.
Өрт қауіпсіздігін нығайту және халықтың түсінігін арттыру мақсатында «112batys.kz» платформасы іске қосылды.
Аталған платформа өрт қауіпсіздігіне қатысты өзекті мақалаларды, көрнекі үгіт-насихат материалдары, бейнероликтерді және жиі қойылатын сұрақтарға жауаптарды қамтиды. Сонымен қатар, пайдаланушылар төтенше жағдайлардың алдын алу жөніндегі ұсыныстармен танысып, қажетті ақпаратқа жылдам қол жеткізе алады.
QR-кодтар жасақталып, білім беру және денсаулық сақтау мекемелеріне, халық көп жиналатын қоғамдық орындар мен объектілерге, сондай-ақ, жолаушыларға қызмет көрсететін транспорттық нысандарға орналастырылуда.
Бұл бастама халықтың өрт қауіпсіздігі туралы білімін шыңдап, қауіпсіздік деңгейін арттыруға ықпал етеді.
БҚО ТЖД Баспасөз қызметі
Батыс Қазақстан облысында су тасқынының алдын алу бойынша жұмыстар қарқынды жүргізілуде.
Облыс әкімі Нариман Төреғалиев Департамент бастығының орынбасары Е. Жалеловпен, сондай-ақ, комиссиямен бірге, Шыңғырлау және Бөрлі аудандарында болып, су тасқынының алдын алу шараларымен танысты.
Бірінші кезекте Сегізсай ауылы маңындағы су өткізу сақинасы және Шыңғырлау және Бөрлі аудандары ауылдарындағы су қорғау бөгеттері қаралды. Жедел әрекет ету жасақтарының оқу-жаттығуларына қатысып, дайындық деңгейін бағалады. Сондай-ақ арық жүйесі, инертті материалдар мен қаптар қорлары, уақытша эвакуациялық пункттердің дайындығымен танысты.
Шыңғырлау ауданы үшін Елек және Шыңғырлау өзендерінен, сондай-ақ Шыңғырлау өзенінен Бөрлі ауданы үшін ықтимал қатерді азайту мақсатында Шыңғырлау ауданының үш ауылында және Бөрлі ауданының 5 ауылында арнайы қорғаныс бөгеттері салынды.
Сонымен қатар, өзен арнасына құятын ағын сулардың жолы аршылып, қосымша су өткізу құбырлары орнатылған.
БҚО ТЖД Баспасөз қызметі