Ақордада ТЖМ қызметкерлері мемлекеттік наградалармен наградталды

Отан қорғаушылар күні қарсаңында Ақорда резиденциясында Қазақстанның ТЖМ қызметкерлеріне мемлекеттік наградалар тапсыру рәсімі өтті. Қазақстан Республикасының Президенті Қасым-Жомарт Тоқаевтың Жарлығымен қызметтік борышын атқару кезінде көрсеткен ерлігі, жанқиярлығы және қызметке адалдығы үшін ведомствоның 15 қызметкері наградталды. Бірқатар офицерге жоғары арнайы атақтар берілді. Азаматтық қорғау жүйесінің жеті өкілі мемлекеттік наградалар мен атақтарды Мемлекет басшысының қолынан алды. Батыс Қазақстан облысы ТЖД бастығының бірінші орынбасары Жанболат Жаншин Бауыржан Момышұлы атындағы
II дәрежелі «Айбын» орденімен наградталды.