Қайырымдылық — жүректен шыққан жылу

      Қазақ халқы үшін Наурыз айы мәдениет пен дәстүрде ерекше орын алады. Бұл — жаңару, бірлік, үлкендерге құрмет көрсету және жақындарға қамқор болу уақыты. Наурыз жақсылықты, келісімді және өмірдің жаңа кезеңінің басталуын білдіреді.

      Ел көлемінде онкүндік Наурызнама өткізіледі. Оның аясында әр күн белгілі бір құндылықтарды дәріптеп, рухани және қоғамдық негіздерді нығайтуға бағытталады. Осы бастаманың бір бағыты қайырымдылық пен игі істерге арналған.

      Осы күні Жетісу облысы бойынша Төтенше жағдайлар департаменті қызметкерлері игі бастама көрсетіп, азық-түлік жиынтықтарын табыстап, қолдау мен қамқорлыққа мұқтаж жандарға жылулық сыйлады.

       Мұндай игі істер Наурыздың шынайы рухын айқындайды. Өйткені Наурыз — жаңару, бірлік және үміт мерекесі. Әрбір шынайы жақсылық адамдарды жақындастырып, қоғамдағы сенімді нығайтады.

     Қайырымдылық — бұл жай ғана көмек емес, ол жүрек жылуы мен адамгершіліктің белгісі. Осындай бастамалар көбейіп, әр шаңыраққа қуаныш пен береке әкелсін.