Жамбыл облысында газ-түтіннен қорғау қызметімен тәжірибелік сабақ өткізілді

2021 жылдың 17 ақпанында Жамбыл облысы ТЖД Өрт сөндіру және авариялық-құтқару жұмыстары қызметінің №1 мамандандырылған өрт сөндіру бөлімінің аумағында жеке құраммен  газ-түтіннен қорғау қызметі бойынша тәжірибелік сабағы өтті

Жалпы, сабақ газ-түтіннен қорғау қызметін жетілдіру, жеке құрамды газ-түтіннен қорғаушылардың жедел-қызметтік міндеттерін табысты орындауын қамтамасыз ететін шебер және тиімді іс-қимылдарға үйрету мақсатында өткізіледі.

Сабақ барысында өрт сөндірушілер мен құтқарушылар өздерінің кәсіби шеберліктерін көрсетіп бақты.

Айта кету керек, жылу түтін камерасында төмендегідей  міндеттер орындалды:

- жауынгерлік дайындығын тексеру, көзге түртсе көргісіз аумақта қозғалу, жарылыстың алдын алу мақсатында газ кранын бекіту,  барлаужүргізу және зардап шегушіні іздеу.

Іс-шара барысында тапсырманы толық көлемде орындай алмаған өртсөндірушілер өздерінің  өтініштері бойынша жылу түтін камерасына қайта кірді.

Жалпы тәжірибелік сабақ өте жоғары деңгейде әрі қызықты өтті. Ал №1 мамандандырылған өрт сөндіру бөлімінің бастығы азаматтық қорғау подполковнигі Асқар Базарбаев өз сөзінде мұндай іс-шараның одан әрі жалғасатынын атап өтті.

 

Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы