«Тұрғын үй секторындағы және автокөліктердегі өрт қауіпсіздігі» акциясы өтті

Меркі ауданында Төтенше жағдайлар бөлімінің қызметкерлері жергілікті атқарушы органдармен бірлесіп тұрғын үй секторында және автокөліктерде өрттің алдын алу мақсатында профилактикалық акция өткізді. Іс-шара барысында тұрғындарға электр және газ жабдықтарын қауіпсіз пайдалану, пешпен жылыту кезіндегі өрт қауіпсіздігі талаптарын сақтау, балаларды қараусыз қалдырмау, сондай-ақ автокөліктің техникалық жағдайын бақылап, жарамды өрт сөндіргішті міндетті түрде алып жүру қажеттігі түсіндірілді.

Акция соңында тұрғындарға ақпараттық жадынамалар таратылып, өрт қауіпсіздігі ережелерін қатаң сақтау қажеттігі ескертілді.