Сарысу ауданында қоғамдық тамақтану орындарында өрт қауіпсіздігі бойынша түсіндіру жұмыстары жүргізілді

Сарысу ауданының Төтенше жағдайлар бөлімінің қызметкерлері мен Азаматтық қорғау академиясының курсанттары аудан аумағындағы дәмханалар мен қоғамдық тамақтану орындарында өрт қауіпсіздігі талаптарын сақтау бойынша профилактикалық жұмыстар жүргізді. Іс-шара барысында нысан иелері мен қызметкерлеріне өрт қауіпсіздігі ережелерін сақтау, алғашқы өрт сөндіру құралдарын пайдалану, эвакуация жолдарын бос ұстау және төтенше жағдай кезіндегі іс-қимыл тәртібі түсіндірілді.

Сонымен қатар қатысушыларға ақпараттық жадынамалар таратылып, қойылған сұрақтарға жауап берілді.