Кәсіпкерлерге өрт қауіпсіздігі талаптары түсіндірілді

Аудандық кәсіпкерлермен түсіндіру жұмыстары жүргізілді. Жамбыл облысы ТЖД Техникалық нормалау бөлімінің қызметкерлері «Атамекен» кәсіпкерлер палатасымен жасалған меморандум аясында облыс аумағындағы аудан кәсіпкерлерімен кездесулер өткізіп, түсіндіру жұмыстарын жүргізді. Іс-шара барысында мамандар «объектілердің өрт қауіпсіздігі талаптарына сәйкестігі туралы қорытынды беру» мемлекеттік қызметін көрсету тәртібін түсіндіріп, өрт қауіпсіздігі талаптарын сақтау бойынша жан-жақты ақпарат берді. Кездесу барысында қорытынды алу үшін қажетті құжаттар тізімі, өтінім беру тәртібі және жиі кездесетін кемшіліктер туралы түсіндіріліп, кәсіпкерлердің сұрақтарына жауап берілді.

Жамбыл облысы ТЖД