Жамбыл ауданының оқушыларына судағы қауіпсіздік сабағы өткізілді

Жамбыл ауданындағы “Сеңгірбай” демалыс аймағында ауданның төрт мектебінен келген 150 оқушыға шомылу маусымындағы қауіпсіздік бойынша тәжірибелік сабақ ұйымдастырылды. Сабақ барысында ТЖД құтқарушылары оқушыларға суға бату жағдайындағы іс-қимылдарды көрсетіп, зардап шеккен адамға алғашқы көмек көрсету жолдарын түсіндірді. Сонымен қатар, су айдындарындағы қауіпсіздік ережелері еске салынды. Осындай іс-шаралар балалардың жазғы кезеңде жеке қауіпсіздікке саналы көзқарасын қалыптастыруға ықпал етеді.

Жамбыл облысы ТЖД