Талас ауданында құтқарушылармен арнайы сабақ өтті

Талас ауданы Төтенше жағдайлар бөлімінде ұлы қазақ ақыны Жамбыл Жабаевтың 180 жылдығы мен Алғыс айту күніне орай бірқатар тағылымды іс-шаралар ұйымдастырылды. Алдымен бөлім қызметкерлері аудандық кітапханаға барып, ақынның өмірі мен шығармашылығына арналған танымдық кездесуге қатысты. Іс-шара барысында Жамбыл Жабаевтың қазақ әдебиетін дамытудағы рөлі, ұлттық рухты қалыптастыруға қосқан үлесі кеңінен айтылып, қатысушылар тарихи-рухани мұраға құрмет білдірді. Мереке аясындағы іс-шаралар бөлімшеде жалғасын тапты. Алғыс айту күніне орай қонақтар мен мамандардың қатысуымен психологиялық тренингтер өткізілді. «Батылдық пен мейірім – елге қызмет» тақырыбындағы жаттығулар қызметкерлер арасындағы өзара қолдауды нығайтуға, бірлік пен командалық рухты арттыруға және эмоционалдық тұрақтылықты дамытуға бағытталды. Тренинг барысында түрлі жаттығулар ұйымдастырылып, қатысушылар белсенділік танытты. Бұл іс-шаралар ұлы ақын мұрасына құрмет көрсету мен алғыс айту мәдениетін насихаттауды біріктіріп, рухани және кәсіби дамуға серпін берді.

Жамбыл облысы ТЖД