Меркі ауданында оқушыларға кәсіби бағдар беру кездесуі өтті

Меркі ауданының Төтенше жағдайлар бөлімі қызметкерлері М.Әуезов атындағы орта мектепте 10–11 сынып оқушыларымен кәсіби бағдар беру мақсатында кездесу өткізді. Кездесу барысында болашақ түлектерге Мәлік Ғабдуллин атындағы Азаматтық қорғау академиясы на оқуға түсу тәртібі туралы жан-жақты ақпарат берілді. Азаматтық қорғау саласындағы қызметтің маңыздылығы, құтқарушы мамандығының жоғары жауапкершілігі мен қоғам үшін маңызы атап өтілді. Іс-шара барысында академияда білім алушылардың курсант мәртебесіне ие болатыны, оқу кезеңіндегі әскери тәртіп, күн тәртібі, оқу-жаттығу процесі және әлеуметтік кепілдіктер туралы кеңінен түсіндірілді. Сонымен қатар, оқу аяқталғаннан кейін түлектердің төтенше жағдайлар органдарына қызметке орналасу мүмкіндіктері туралы мәлімет беріліп, оқушылар тарапынан қойылған сұрақтарға нақты жауаптар ұсынылды.

Жамбыл облысы ТЖД