Жамбыл облысында Қазақстан Республикасы Конституциясының 30 жылдығына арналған салтанатты іс-шара өтті

ҚР Конституция күніне орай Департаменттің мәжіліс залында Жамбыл облысы Төтенше жағдайлар департаментінің қызметкерлері мен құтқарушылары қызметтік міндеттерін адал атқарғаны және қызметте жоғары нәтижелерге қол жеткізгені үшін марапатталды. Төтенше жағдайлар министрінің 2025 жылғы 25 тамыздағы №521 ж/қ бұйрығымен «азаматтық қорғау майоры» арнаулы атағы мерзімінен бұрын, Байзақ ауданы ТЖБ аға инженері Архат Өксікбаевқа, Қордай ауданы ТЖБ бастығы азаматтық қорғау подполковнигі Қанат Иманқұловқа «Азаматтық қорғау жүйесін дамытуға қосқан үлесі үшін» төсбелгісі берілді, сондай-ақ бірқатар қызметкерлер Қазақстан Республикасы Төтенше жағдайлар министрінің және ТЖД бастығының Құрмет грамоталарымен, Грамоталарымен және Алғыс хаттарымен марапатталды. Іс-шара соңында Департамент бастығы полковник Арман Тоқанов гарнизонның жеке құрамын мерекемен құттықтап, зор денсаулық, шыдамдылық пен игі істе табандылық, жаңа еңбек жетiстiктерi, амандық пен ашық аспан тiледi!

 

Жамбыл облысы ТЖД