Жамбыл облысы ТЖ департаментінде қызметтік техникалар сап түзеді

Тараз қаласындағы №1 мамандандырылған өрт сөндіру бөлімінде Жамбыл облысы Төтенше жағдайлар департаментінің қызметтік техникасы сап түзеп, тексерістен өтті.

Іс-шараға Департамент аппаратының, Тараз қаласы ТЖ басқармасының және Жедел-құтқару жасағының қызметкерлері қатысты. Өрт сөндіру және авариялық-құтқару жұмыстарын ұйымдастыру басқармасының мамандары автокөліктің техникалық жай-күйін, арнайы жабдықтар мен байланыс құралдарының болуын тексерді.

Жалпы, іс-шара барысында қызметтік автокөлікті ұқыпты пайдалану, пайдалану және техникалық қызмет көрсету ережелерін қатаң сақтау, сондай-ақ жол қозғалысы ережелерін сақтау қажеттілігіне баса назар аударылды.

Мұндай тексерулер техниканың жоғары дайындық деңгейін және қауіпсіз пайдаланылуын қамтамасыз етуге септігін тигізеді.

 

Жамбыл облысы ТЖД