10 июня 2026

Қауіпсіздік шаралары түсіндірілді

Байзақ ауданы аумағында орналасқан «Алди и К» ЖШС тұрмыстық қалдықтарды өңдеу полигонында өрт қауіпсіздігі талаптарын сақтау бойынша түсіндіру жұмыстары жүргізілді. Іс-шара барысында полигон қызметкерлеріне өрттің алдын алу шаралары, өрт шыққан жағдайда алғашқы іс-қимыл тәртібі, өрт сөндіру құралдарын дұрыс пайдалану және олардың жарамдылығын тұрақты бақылауда ұстау қажеттігі ескертілді. Сонымен қатар, қоқыс полигоны аумағын құрғақ шөптер мен жанғыш қалдықтардан уақтылы тазалау, арнайы техникалардың өрт қауіпсіздігі талаптарына сәйкестігін қамтамасыз ету және тәулік бойы бақылауды ұйымдастыру мәселелері бойынша ұсынымдар беріліп, профилактикалық жадынамалар таратылды.

Жамбыл облысы ТЖД

10 июня 2026

Төзімділік пен салауатты өмір - кәсіби жетістіктің негізі!

Т.Рысқұлов ауданы, Құлан ауылындағы №10 өрт сөндіру бөлімінде жеке құраммен салауатты өмір салтын сақтау тақырыбында кезекті сабақ өтті. Төтенше жағдайлар қызметкерлерінің жұмысы жоғары жауапкершілік пен психологиялық төзімділікті талап етеді. Осы орайда, мамандар қызметкерлерге маңызды тақырыптар бойынша кеңес берді:  Лудомания мен ойынқұмарлықтың алдын алу: Тәуелділіктен сақтану жолдары.  Стресспен күрес: Эмоционалдық тұрақтылықты қалай сақтау керек?  Рухани жаңғыру: Діннің адам өмірі мен қоғамдағы маңызы.

Жамбыл облысы ТЖД

09 июня 2026

Қауіпсіздік –ортақ жауапкершілік!

Тараз қаласында тұрғындардың қауіпсіздігін қамтамасыз ету мақсатында рейдтік іс-шаралар жүргізілуде. Жұмыс барысында Тараз қаласы ТЖБ жергілікті атқару органымен бірге көпқабатты тұрғын үйлердің аулаларында арнайы қызмет көліктерінің қозғалысына кедергі келтіретін заңсыз орнатылған бетон блоктар, шлагбаумдар және өзге де бөгеттер анықталып, оларды алу жұмыстары жүргізілді. Шараның мақсаты – өрт сөндіру, жедел жәрдем және басқа да шұғыл қызметтердің оқиға орнына кедергісіз әрі уақытылы жетуін қамтамасыз ету.

Жамбыл облысы ТЖД

09 июня 2026

Ашық есік күні – қауіпсіздікке бастар жол!

Тараз қаласындағы №7 орта мектептің 130-ға жуық жазғы лагерь тәрбиеленушілері №2 мамандандырылған өрт сөндіру бөлімінде ұйымдастырылған «Ашық есік күні» іс-шарасына қатысты. Шара барысында оқушылар өрт сөндіруші-құтқарушылардың күнделікті қызметімен танысып, арнайы техникаларды көрді және бөлімнің мұражайын аралады. Сонымен қатар, Тараз қаласы ТЖ басқармасының қызметкерлері балаларға жаз мезгіліндегі қауіпсіздік шаралары, өрт қауіпсіздігі, суға шомылу кезіндегі қауіпсіздік ережелері және тұрмыстағы өрттің алдын алу жолдары туралы түсіндіру жұмыстарын жүргізді.

Жамбыл облысы ТЖД

08 июня 2026

Су айдындарындағы қауіпсіздік түсіндірілді

Жамбыл облысы ТЖД Төтенше жағдайларды жою басқармасының қызметкерлері Талас ауданының Қаратау қаласындағы «Жартас» және Көктал ауылындағы «Пионер» көлдерінде рейд өткізді. Тұрғындарға судағы қауіпсіздік ережелері түсіндіріліп, жадынамалар таратылды. Сондай-ақ балаларды қараусыз қалдырмау және рұқсат етілмеген жерлерде шомылмау қажеттігі ескертілді. Іс-шараның мақсаты – судағы жазатайым оқиғалардың алдын алу.

Жамбыл облысы ТЖД

08 июня 2026

Шомылу маусымындағы қауіпсіздік шаралары

Шомылу маусымының басталуына орай Сарысу ауданының Төтенше жағдайлар бөлімі қызметкерлері қалалық жағажай мен Ақбұлақ демалыс орнында тұрғындарға түсіндіру жұмыстарын жүргізді. Мамандар судағы қауіпсіздік ережелерін түсіндіріп, рұқсат етілмеген жерлерде шомылудың қауіпті екенін ескертті. Сондай-ақ балаларды қараусыз қалдырмау, мас күйінде суға түспеу және қауіпсіздік белгілерін сақтау қажеттігі айтылды. Төтенше жағдайлар бөлімі тұрғындарды жазғы демалыс кезінде қауіпсіздік талаптарын қатаң сақтауға шақырады.

Жамбыл облысы ТЖД

08 июня 2026

Қауіпсіздік ережелері түсіндірілді

Жуалыда мектеп жанындағы жазғы лагерьлерде оқушылар мен балабақша бүлдіршіндеріне өрт қауіпсіздігі, судағы қауіпсіздік шаралары, жер сілкінісі кезіндегі қауіпсіздік ережелері және табиғат аясында демалу кезінде от жағу қауіпсіздігі бойынша түсіндіру жұмыстары жүргізілді. Сондай-ақ, жаз мезгілінде табиғат аясында демалу кезінде отты тек арнайы рұқсат етілген орындарда жағу, отты қараусыз қалдырмау және демалыс соңында толық сөндіру қажеттігі ескертілді. Балалардың қауіпсіздік мәдениетін қалыптастыруға бағытталған мұндай шаралар алдағы уақытта да жалғасатын болады.

Жамбыл облысы ТЖД

04 июня 2026

Мемлекеттік рәміздер – ел мақтанышы!

2026 жылғы 4 маусымда Жамбыл облысы Төтенше жағдайлар департаментінде Қазақстан Республикасының Мемлекеттік рәміздер күніне арналған салтанатты іс-шара өтті. Іс-шара барысында Мемлекеттік Ту, Елтаңба және Әнұранның тарихи маңызы мен ел бірлігін нығайтудағы рөлі кеңінен насихатталды. Қатысушылар мемлекеттік рәміздерді құрметтеу – әрбір азаматтың қасиетті борышы екенін атап өтті. Шараға департамент қызметкерлері қатысып, Отанға деген сүйіспеншілік пен патриоттық рухты дәріптеді.

Жамбыл облысы ТЖД

04 июня 2026

Балалар қауіпсіздігі – басты назарда!

Жуалы ауданы Төтенше жағдайлар бөлімінің қызметкерлері аудан аумағындағы балабақшалар мен мектеп жанындағы жазғы лагерьлерде балалардың қауіпсіздігіне бағытталған ақпараттық-түсіндіру іс-шараларын өткізді. Кездесу барысында балаларға төтенше жағдайлардың алдын алу, өрт қауіпсіздігі ережелері, су айдындарындағы қауіпсіздік талаптары және жол қозғалысы кезіндегі қауіпсіз жүріс-тұрыс қағидалары түсіндірілді. Сондай-ақ балалардың білімін бекіту мақсатында танымдық сұрақ-жауаптар ұйымдастырылып, қауіпсіздік бойынша жадынамалар таратылды.

Жамбыл облысы ТЖД

04 июня 2026

4 МАУСЫМ – РӘМІЗДЕР КҮНІ

Мемлекеттік рәміздер – Тәуелсіздігіміздің негізі, халқымыздың бірлігі, күші мен мақтанышының символы. Жамбыл облысы Төтенше жағдайлар департаментінің құтқарушылары азаматтардың қауіпсіздігі жолында абыроймен қызмет атқарып, Қазақстан Республикасының мемлекеттік рәміздеріне әрдайым құрметпен қарайды. Барша қазақстандықтарды Мемлекеттік рәміздер күнімен құттықтаймыз!

Жамбыл облысы ТЖД