ШҚО-да өрт кезінде 68 тұрғын эвакуацияланды

Өскемен қаласында Тимирязев көшесіндегі 4 қабатты жатақхана ғимаратында өрт шықты. Бірінші қабаттағы бөлмеде 5 шаршы метр алаңда жиһаз жанды.

Өрт сөндірушілер тез арада жануды өшірді. Қалың түтіннің салдарынан жоғарғы қабаттардан қауіпсіздік мақсатында құтқарушылар 68 тұрғынды, оның ішінде 19 баланы эвакуациялады. Апаттар медицинасы орталығының дәрігерлері азаматтарды тексеріп, қажетті алғашқы көмек көрсетті.