Крещение түні Шығыс Қазақстан облысының су айдындарында 8000-нан астам адам, оның ішінде 500 бала шомылу рәсіміне қатысты

Шомылу рәсімі ресми түрде дайындалған 17 жерде ұйымдастырылды. Адамдардың басым бөлігін Өскемен, Риддер және Алтай қалаларының тұрғындары құрады. Әрбір учаскеде төтенше жағдайларды болдырмау үшін шомылушыларға бақылау орнатылды. Қатысушылар үшін алдын ала брифинг өткізілді.
Қауіпсіздікті қамтамасыз ету үшін барлығы 200-ден астам адам және құтқарушылардың, жергілікті атқарушы органдардың, жедел жәрдем дәрігерлерінің және Апаттар медицинасы орталығының, полицейлердің 52 техникасы жұмылдырылды.
Құтқарушылардың кезекшілігі 19 қаңтарда да жалғасатын болады.