"Құлындарды құтқару" операциясы

Глубокое ауданының, Прапорщиково ауылында жайылымда жүрген жылқылар ішіндегі үш құлын су айдынындағы аралға өтіп, судан жағалауға өздігінен жете алмады.
Тығырыққа тірелген жануарларды байқаған куәгерлер ШҚО ТЖД құтқарушыларын көмекке шақырды.
Жедел-құтқару жасағының қызметкерлері қайықпен құлындар тұрған жерге жетіп, оларды аман-есен қауіпсіз жерге жеткізді.
Бүкіл құтқару операциясында жануарлар өздерін тыныш ұстады және құтқарушыларға мойынсұнып, барлық әрекеттерді ұқыпты және асықпай орындауға мүмкіндік бергендей болды.
Төтенше жағдай кезінде 112 нөмірі бойынша хабарлаңыз.