Халықты қауіпті аймақтан шығарды

Денис Лынов төтенше жағдайлар жүйесінде 8 жылдан астам жұмыс істейді. Шығыс Қазақстандағы 2018 жылғы су тасқынының зардаптарын жоюға, адамдарды қар құрсауынан құтқаруға қатысты.

Жақында ол, Солтүстік Қазақстан облысынан оралды, онда әріптестерімен бірге адамдарды су басу аймағынан эвакуациялады.

"Біз Амангелді ауданында жұмыс істедік. "Шерп" көлігімен халықты қауіпті аймақтан шығардық. Тәулік бойы режимде, кейде 1,5 м-ге дейін көтерілген  суды қараңғыда еңсере отырып, 30-ға жуық азамат, олардың  ішінде балалар мен ауыр науқастарды эвакуацияладық. Сондай-ақ, гуманитарлық жүкті жеткіздік. 21 күн  тәулік бойы режимде қызмет атқардық және менің ойымша, біз алдымызда қойылған міндеттерді орындадық ", - деді ШҚО ТЖД Жедел-құтқару жасағының бас құтқарушысы Денис Лынов.

Денис Лыновтың әріптестері, оның кез келген кедергілер мен қашықтықты еңсере алатын кәсіби құтқарушы жүргізуші ғана емес, сонымен қатар тамаша механик екенін, ол "Камазды" "сұрыптай" алатынын, барлық жерде жүре алатын көліктің бұзылуын тауып, жоя алатынын, қиын жағдайда көмекке асығып тұрған техниканы бірнеше рет құтқарған "алтын қолдары" бар екенін атап өтті. Лыновпен бірге, жасақтың қызметкерлерінің өздері айтқандай, отқа, суға және суыққа бару қорқынышты емес.

Денис Лыновтың үлкен отбасы бар, екі ұлы мен әйелінен басқа, ол кішкентай немересіне қамқорлық жасайды. Жақындары, оны әрдайым уайымдайды және кезекшіліктен, төтенше жағдайлар орнынан күтеді. Олар оны қарапайым емес, асыл кәсібімен мақтан тұтады.