«Тарбағатай» мемлекеттік ұлттық табиғи паркінде болғанда қауіпсіздік ережелерін сақтаңыздар!

Үржар ауданы - Қазақстанның шығысындағы ең ірі аймақтардың бірі.
Табиғи-климаттық тұрғыдан алғанда аймақ жарқын табиғи кереғарлығымен бірегей: құрғақ даланың бөлінбес тартысы және оңтүстіктен көкжиекті жауып тұрған бірден - бір құдіретті Тарбағатай жотасы. Тарбағатай ұлттық паркі Алакөл көлі, Ертіс өзені алқабы мен Алтай арасындағы үшбұрышта орналасқан. Мұнда Сауыр-Тарбағатай жотасының жасыл шыңдары, Қарабас шөлді тасты таулары, Арқалықтың сары құмды төбелері, Үржар, Қатынсу көгілдір өзендері және Емель өзенінің алтын айналасы бар. Ұлттық парктің әсемдігі туристерді қызықтырады. Келушілердің қауіпсіздігі мақсатында Төтенше жағдайлар бөлімі мен "Тарбағатай" МҰТП қызметкерлері парк аумағындағы қауіпті орындарды анықтай отырып, туристік маршрут пен соқпақтарға тексеру жүргізді. Арнайы белгі орнатылған маршруттың ең қауіпті учаскесі анықталды. Сондай-ақ, ақпараттық тақталар мен қауіпті орындардың көрсеткіштері туристік соқпақ бойында қойылған.
Ұлттық парк аймағының жақын маңда мал бағып жүрген бақташылармен өрт қауіпсіздігі бойынша түсіндіру әңгімелері өткізілді.
Өрт қаупі жоғары деңгейі көрсетілген  кезде туристерге туристік маршруттарға кіруге тыйым салынады. Ерекше қорғалатын аумақта арнайы шлагбаумдар орнатылған. Төтенше жағдайлар бөлімінің мамандары Ұлттық парк қызмкеткерлеріне өрт қауіптілігінің төтенше сыныбын жариялау кезінде тәулік бойы кезекшілік жүргізуді ұсынды.
Төтенше жағдайлар бөлімі ұлттық паркке келетін туристерге төменде көрсетілген ережелерді сақтауға талап етеді:
- табиғатты аялауға: өсіп тұрған ағаштарды кесуге, өсімдік жамылғысын таптамауға;
- от жақпауға және оларды қараусыз қалдырмауға;
- қауіпті заттармен от жағуға болмайды;
- шатырларда шырақтар мен сіріңкелерді жақпау, жанып тұрған сіріңкелер мен темекі қалдықтарын лақтырмау;
- су бөгеттері арқылы өткелдер ұйымдастырмау;
- аялдау, тұрақ орындарында тиісті санитарлық жағдайда ұстау, қоқысты, шыны мен пластикалық бөтелкелерді шашпау және қалдырмау;
- тексерілмеген су көздері мен су қоймаларынан су ішпеу;,
- бейтаныс саңырауқұлақтарды, жидектерді және басқа өсімдіктерді жеуге болмайды;
- аурудың, шаршаудың, ісінудің және жарақаттың ең кішкентай белгілері болған жағдайда  уақтылы хабарлаңыз.
Төтенше жағдайлар туындаған кезде "112"нөміріне қоңырау шалыңыз.

Үржар ауданының ТЖБ