ШҚО ТЖД Жедел-құтқару жасағының құтқарушылары таулы жерлерде жоғалып кетсең қалай аман қалу керектігін және құтқарушыларға қалай сигнал беру керектігін айтты
Жыл сайын өңірде тау ішінде түрлі оқиғаға тапболатын 10-ға жуық жағдай орын алады. Қаншалықты тәжірибелі саяхатшы болсаң да жоғалып, төтенше жағдайға тап болуың мүмкін.
«Егер адам тауда бір рет жүріп өткен маршрут бойынша жүрсе де, адасып кетуі ықтимал. Бағдарды жоғалту қаупі кешкі уақытта, ымырт басталған кезде артады. Бір адам да, бір топ адам да адасуы мүмкін", - дейді ШҚО ТЖД-да.
Құтқарушылар бірінші кезекте үрейленбеуге кеңес береді.
«Аффект жағдайындағы әрекеттер күтпеген салдарға әкелуі мүмкін. Мысалы, сіз кездейсоқ таудан құлап, жарақат алуыңыз мүмкін. Сабырлықсақтай отырып 112 нөмірі бойынша туыстарыңызбен және құтқару қызметімен байланысып, қажетті ақпаратты беруге тырысыңыз. Егер ұялы байланыс болмаса, сіз өз күшіңізге сенуіңіз керек. Ашық жерде орналасып, құтқарушыларға сигнал беріңіз - тәуліктің қараңғы уақытында алау жағып, күндіз ашық түсті киім іліңіз», -деп кеңес береді ШҚО ТЖД Жедел-құтқару жасағының бас құтқарушысы Ерік Бұлғынбаев.
«Саяхатшының міндеті – тәуекелдерді барынша азайту. Ең алдымен, маршрутқа дайындық пен зерттеуге назар аудару керек. Бұған физикалық жаттығулар да кіреді. Нақты қозғалыс жоспарын түсініп, маршрутты зерттеу керек – ол қай жерде өтеді. 112 қызметіне маршрутты және болжамды қайтару уақытын хабарлау дұрыс. Құтқарушыларға бағыт туралы ақпарат, топ туралы ақпарат, байланыс деректері және қайтып оралуды жоспарлаған уақыт қалдырылсын. Бірақ сіз міндетті түрде құтқарушыларға көрсеткен маршрут бойынша жүруіңіз керек екенін ұмытпаңыз. Көрсетілген уақытқа оралуға немесе осы уақытта байланыста болған жөн", - деп түсіндірді ШҚО ТЖД бастығы Ерлан Нұрпейісов.
Әрине, көшкін және сел қаупі бар учаскелердің картасымен танысыңыз. Бүгінгі ауа-райы болжамы өте дәл. Оған сәйкес киім мен жабдықты таңдау керек. Егер тіпті ең аз қауіп болса - сапарды ауа - райының қолайлы күніне ауыстыру.
Қалай киіну керек?
«Біз ыңғайлы, берік және су өткізбейтін аяқ киім туралы ұмытпауымыз керек, оның басында каска немесе қалпақ кию керек. Киім барынша ыңғайлы болсын және ол ылғалға қарсы болсын. Сондай – ақ, жылы киімдерді алыңыз. Қолғап керек: жұқасы - сіз қозғалатын уақытқа, ал екіншісі – жылы.
Өзіңізбен бірге көзілдірік алып жүруді ұмытпаңыз.
Рюкзакқа не салу керек?
«Рюкзакқа міндетті түрде қосалқы киім жиынтығын салу керек. Құтқару көрпесі мен спутниктік телефон зиян тигізбейді, төтенше жағдайда-зарядталған смартфон және power bank қосымша пайдасы зор. Өзіңізбен бірге шам алыңыз. Көмек көрсету үшін қолдануға болатын негізгі алғашқы көмек жинағы. Сондай-ақ, жеке дәрі-дәрмектер болуы керек: егер сіз оларды үнемі қабылдайтын болсаңыз, онда екі-үш күнге қажетті мөлшері болсын. Өзіңізбен бірге тамақ, термос және ешқандай алкоголь!
Жалғыз тауға баруға болмайды
«Тауға жалғыз бару ұсынылмайды. Сенімді тексерілген адамдармен бірге, олар қиын жағдайда өздерін дұрыс ұстайтынына сенімд болыңыз", - деп атап өтті бас құтқарушы Ерік Бұлғынбаев.
Егер де кеш қарайып кетсе жолды жалғастыру керек пе немесетауда қону қажет пе?
Нақты кеңес беру қиын. Жағдайды бағалау керек. Егер сіз рельефті жақсы білсеңіз және жақсы шамдарыңыз болса, қозғалысты жалғастырған дұрыс, осылайша сіз жылына аласыз. Егер сіз бағыттарды білмесеңіз, бұл жағдайда орнында жылынудың жолын тапқан дұрыс. Егер таудан түн түскенге дейін шығу мүмкін болмаса, онда аңдар мен үсіктен қорғай алатын орынды ойластыру керек деді Шығыс Қазақстан облысының ТЖД-лықтары.
ШҚО ТЖД баспасөз қызметі