Газ жабдықтарын пайдалану қауіпсіздігі ерекше бақылауда

Шығыс Қазақстан облысының Төтенше жағдайлар департаментінде әлеуметтік инфрақұрылым нысандарында газ және газбен жабдықтау саласында профилактикалық жұмыстар тұрақты негізде жүргізілуде.

Өнеркәсіптік қауіпсіздік басқармасының мамандары Өскемен қаласының газ-техникалық инспекциясымен бірлесіп, жұмыс істеп тұрған мониторингтік топ құрамында қоғамдық тамақтану нысандарында профилактикалық іс-шара өткізді.

Іс-шара барысында газ плиталары мен баллондардың техникалық жағдайына тексеру жүргізіліп, сондай-ақ қызметкерлер мен нысан иелерімен түсіндіру жұмыстары ұйымдастырылды. Мамандар газ жабдықтарын пайдалану кезіндегі негізгі қауіпсіздік талаптарын еске салды.

Ақаулы жабдықты пайдалануға, газ құрылғыларын өз бетінше орнатуға, сондай-ақ белгіленген нормалар мен талаптарды бұза отырып газ баллондарын сақтауға жол берілмейтініне ерекше назар аударылды, өйткені бұл азаматтардың өмірі мен денсаулығына қауіп төндіруі мүмкін.