Сәбиді құтқару үшін ТЖМ тікұшағы жұмылдырылды

ҚР ТЖМ «Қазавиақұтқару» АҚ ұшқыштары — Сергей Пинигин, Айдар Мамырханов және Азамат Кабден санитариялық авиация желісі бойынша Өскемен – Алтай – Өскемен бағытымен ұшу рейсін орындады.
Ұшудың мақсаты – шұғыл түрде облыс орталығындағы медициналық мекемеге жатқызуды қажет еткен сәбиді жеткізу болды. Экипаж мүшелері мен медицина қызметкерлері — Рафаил Халитов пен Назым Бесенбаеваның үйлесімді жұмысының арқасында кішкентай науқас дер кезінде ауруханаға жеткізілді.
ТЖМ тікұшақтары шалғай елді мекендердің тұрғындарына шұғыл көмек көрсету үшін тәулік бойы дайындықта тұрады.