Құтқарушылар ескертеді: тек ережелерді сақтай отырып, мұзға шығыңыз

Шығыс Қазақстанда құтқарушылар қысқы су айдындарындағы жұмысты күшейтті

Жүргізілген 1350 рейдтік және түсіндіру іс-шаралары барысында құтқарушылар азаматтарға қысқы кезеңде су айдындарында қауіпсіз жүріс-тұрыстың негізгі ережелерін еске салады. Негізгі назар профилактикаға аударылады: тұрғындарға шұғыл қызметтердің нөмірлері ескертіледі, ережелер түсіндіріледі, сондай-ақ су айдындарында қауіпсіздік ережелерін сақтау үшін азаматтардың жеке жауапкершілігі атап өтіледі.

ШҚО ТЖД бастығының орынбасары Исхар Савазов атап өткендей, мұзға шығуға байланысты тәуекелдерді бағалау керек. "Қолда бар барлық құтқару құралдарын пайдалану қажет екенін есте сақтаңыз, олардың бірі-құтқару кеудешесі. Мұз астына түсіп кеткен жағдайда, ол адамды бетінде ұстап, көмек келгенге дейін ұзақ уақыт бойы қауіпсіз болуға мүмкіндік береді", - деді Исхар Савазов.

Рейдтер барысында мұзға шыққан су айдындарындағы қауіпсіздік шараларын бұзған 44 адам өз өмірлерін қатерге тігіп, әкімшілік жауапкершілікке тартылды.

ШҚО ТЖД бір адам үшін мұздың қауіпсіз қалыңдығы кемінде 10 см екенін еске салады. Қысқы балық аулау әуесқойларына құтқару кеудешесін, арқан, байланыс құралдарын алып жүруді ұсынады.

Тыйым салынады:

- шұңқырларға, жарықтар мен ойықтарға жақындауға;

- көлік құралдарымен мұзға шығуға.

Құтқарушылар азаматтарды мұқият болуға, өз өмірі мен айналасындағылардың өміріне қауіп төндірмеуге шақырады. Қарапайым қауіпсіздік ережелерін сақтау қайғылы жағдайлардың алдын алуға және өмірді сақтауға көмектеседі.

Төтенше жағдайлар кезінде 112 нөмірі бойынша хабарлаңыз.