Су айдындарындағы мұз - бұл қауіпті аймақ

Қысқы мұзда балық аулау қауіпсіздік шараларын қатаң сақтауды талап етеді. Жұқа мұз-қысқы балық аулаудың өте қауіпті факторы.

Мұздың беріктігі қалыңдығына, ауа температурасына, су айдынының нақты жағдайларына байланысты. Нөл градус температурада мұздың беріктігі минус 5 градусқа қарағанда 10-12 есе әлсіз.

Өңір ТЖ қызметінің қызметкерлері азаматтардың қауіпсіздігі мақсатында рейдтерді жандандырды. Қыс мезгілінің басынан бастап еріктілермен және полицейлермен бірлесіп мұзда 360-тан астам профилактикалық рейд ұйымдастырылды, тұрақты негізде нұсқамалар өткізіледі.

Құтқарушылар "Су айдындарындағы қауіпсіздік ережелеріне" сәйкес қалыңдығы 25 сантиметрден кем мұзға шыққан кезде өзімен бірге ысқырық, құтқару жилеті, шильц, диаметрі кемінде 11 мм, ұзындығы кемінде 12 метр арқан, ұзындығы кемінде 2 метр таяқ болуы қажет екенін атап өтеді. Қауіпсіздік шараларын бұзушылар "Әкімшілік құқық бұзушылықтар туралы" Қазақстан Республикасы Кодексінің 412-бабы бойынша әкімшілік жауапкершілікке тартылады, - деп атап өтті ШҚО ТЖД ТЖ жою басқармасының бастығы Эльдар Шаймарданов.

Өңірде 23 қауіпсіздік шараларын бұзушы әкімшілік жауапкершілікке тартылды.

ШҚО ТЖД мамандары автокөлікпен мұзға шығу әрқашан қауіпті екеніне назар аударады.

Мұз астына түскен адамды қалай құтқаруға болады?

- Өзіңізді кез-келген ұзын таяқшамен, тақтаймен, сырықпен немесе арқанмен қаруландырыңыз.

-Содан кейін қолдарыңыз бен аяқтарыңызды кең жайып, алдыңызда құтқару құралдарын итеріп, жылымдарға қарай абайлап жүріңіз

- Судағы адамнан бірнеше метр қашықтықта тоқтаңыз, оған арқан лақтырыңыз, таяқ немесе сырық беріңіз.

- Жәбірленушіні мұзға абайлап шығарыңыз да, қауіпті аймақтан шыққан жерге қарай жорғалап шығыңыз, жедел жәрдем шақырыңыз.

- Тез әрекет ету керек, бірақ дүрбелең мен әбігерсіз.

Төтенше жағдай кезінде 112 нөмірі бойынша хабарлаңыз.