ТЖМ қызметкерлері 3 автокөлікті сүйреп шығарды

Бүгін түнде Шығыс Қазақстан облысы Ұлан ауданында құтқарушылар көктайғақ себебінен автокөлікпен тұрып қалған азаматтарға көмекке келді.

7 адам отырған автокөліктерді құтқарушылар арнайы техниканың көмегімен таза жолға сүйреп шығарды. Сонымен қатар ішінде 1 нәресте бар 4 адам жақын елді мекенге жеткізілді. Ешкім медициналық көмекке мұқтаж болған жоқ.

ТЖМ қыс мезгіліне өз автокөлігіңізді жабдықтау қажеттілігін еске салады.