Қолжетімді қауіпсіздік

Шемонаиха ауданының ТЖБ қызметкерлері «Қазақстан Республикасы ТЖМ-нің 30 жылдығына – 30 ізгі іс» іс-шаралар жоспары аясында КММ «Шемонаиха ауданының психологиялық-педагогикалық түзету кабинеті» ШҚО ББ тәрбиеленушілерімен «Қолжетімді қауіпсіздік» әлеуметтік акциясын өткізді. Бұл акция балаларда төтенше жағдайлар кезіндегі қауіпсіз мінез-құлық дағдыларын қалыптастыруға, сондай-ақ оларды ақпараттандыру мен қорғау үшін қолжетімді орта құруға бағытталған.

Іс-шара барысында балалар өрттің не екенін және одан қалай қорғану керектігін білді. Оларға шынайы өрт сөндіруші қонаққа келіп, өртті қалай сөндіруді үйретті. Сабақ соңында балалар өрт қауіпсіздігі белгілерімен танысып, «Өрт сөндіру машинасы» пазлын құрастырды.