Зайсан ауданынан жаңа туған сәбиді облыс орталығына шұғыл түрде ҚР ТЖМ тікұшағымен жеткізді.

«Қазавиақұтқару» ҚР ТЖМ тікұшағы нәрестеге шұғыл медициналық көмек қажеттілігіне байланысты санитарлық авиация мамандарымен бірлесіп эвакуация жасады.

Ұшуды «Қазавиақұтқару» пилоттары Сергей Пинигин мен Бауржан Бутенбаев, сондай-ақ санитарлық авиация дәрігерлері Рафаиль Халитов пен Бек Асаубаев жүзеге асырды. Ұшу сәтті өтті.

Сәби тиісті медициналық мекемеге жеткізілді.

Пилоттардың үйлесімді әрі жедел жұмысы – жедел жәрдем жүйесінің маңызды бөлігі болып табылады және қысқа уақыт ішінде адам өмірін құтқаруға мүмкіндік береді.